يجي منك أكثر

والله غريبه حبيبي حالك اتغيّر
مانتَ على خبري ولانك مثل اوّل

شايف بعينك كلامٍ والله يحيّر
لا يكون كل الغلا في قلبك اتحوّل

الله ياذيك الليالي من غلاك اسهر
واليوم راح الغلا وإلا جفاك اقبّل

كانك تبي تبتعد منك يجي اكثر
ودامك بديت الجفا ياهاجري إرحل

إرحل مدام إن غلطاتك بدت تظهر
ياللي تبي تدوّر الزلات لا تطّول

وكانك تبي ابتعد ياصاحبي ابشر
من اوّل الوقت قلها رح ولا تزعل