والله لجننك

والله لجننك ياطيف(ن) يسامرني
اما تجي طيب وإلا غصب بنجيبك

مالك عن الود صده وأنت خابرني
أرسمك .. تنطق على قلب(ن) يهذريبك

ياطيف .. ياطيف وحدك بس قاهرني
خض(ن) اذا قلت .. من يطلب مطاليبك

والله لجننك دام الياس زايرني
والله لناديك لو تصرخ مناديبك

والله لخلي جميع الناس تامرني
بالبعد عنك ..... عسى تكثر عذاريبك

يامالك الروح ليش انته تصادرني
هو حق تحرم نبيل الود.. من طيبك

لامن ذكرتك وهام القلب ذاكرني
يستبسل الصوت .. في انغام تغريبك

صوتي مع الله بنهر الصدق غامرني
ياباهي الصمت افهم حيل... ودي بك