شوق الهنوف

سّم ميثاق الغلا ياللي علي روحي تسمّي
أنت ياشوق الهنوف ويالغرام ويابلادي ؟

أنت ياعشقٍ عشقتك موت وأنت أسباب همّي
أنقيادي لك علي رغبة ظنوني وأعتقادي ؟

أذكر أنك يوم قلت يتّم قلت الحب تمّي
لاتمني وأنت تسكني وله حب ومبادي ؟

لوتعاندني بصدك ساعتين يفور دمّي
ولا رجعت أقول عادي ماكسر شامخ عنادي ؟

أنت ياحبي ويا شوقي ويامدحي وذمّي
أولك وسط القصيد وأخرك داخل فؤادي

الغلا ياللي تشارك في غلاك أبوي وأمّي
ياجتماعي وأنعزالي ياقترابي وأبتعادي

ياسبب ضحك الهنوف وياسبب تبديد غمّي
أنت في دنياي يادنياي شخصٍ غير عادي ؟؟

اّه ليت الحظ جاد وحطك أنته ولد عمّي
والله أني لفتخر وأسلمك عصمة ودادي ؟؟