يا بيت الاجواد - هتّاش بن منير الهروال

يا بيت الاجواد وين اللي بنولك طيب الساس
وروس الرجاجيل ما عاشوا مع التالي علايق

ما هانوا الروس والناموس يرفع هامت الرأس
ألا على من يبيه ولا عرفله غير لايق

الي يقول الكبير من العرب ماعنده إحساس
قولو برأي الجميع لا حضرته يقرا الوثايق

والناس ما تضحك إلا من فقيه يطبخ الفأس
والكل يعني جنابه والبنادم غير فايق

لازم نقول الحقايق والحقايق تزعل الناس
لكن ولو كان يزعل ناس يا زين الحقايق

أهلا وسهلا نقدمها ليا زعلو بالا وناس
نخلي سبيل السجين ولا تلاقيه العوايق

يحمر وجه الصغير والقصير كيف ين قاس
تشد لامعة حماره بالحرارة كل سايق

يضرب بها أخماس وألا يا سفى يضرب بها أسداس
لا فرق بين الاشقى فالمضاجع والشقايق

قل ليش أقول السماء والقاع تنضر ما بهاباس
تعاف عيشت هل الدنيا ألا جنه لو توايق

العالم العالم الله فوق نصف العالم أجناس
عادي يعش الكثير بغيبة الإحساس رايق

مشاهد المصخرة فاللي يطق الكأس بالكأس
ماشي على وين قال اصلي من الوقت متضايق

ما شوف لي بين روس القوم يوم أتشوف مجلاس
واليبهم يالهبايب وجدعيهم بالحرايق

مادام هذي طلايعها ضناوي هم واتعاس
الهم طرايق توديهم وحنا ألنا طرايق

© 2024 - موقع الشعر