ماجور ياصيف الغرام وربيعه
يانور ياضافي على كل الأنوار
لوتحصل لي كل ماأملك لابيعه
لرضاك يامياس ماطيع الاشوار
ودي بشوفك لونظره سريعه
والمشكله مانت بقريبي ولاجار
أوانت ناظر بالعيون الوسيعه
اللي نظرها فوق عن كل الأنظار
ودي ودك والحواجز منيعه
دونك يحدونك على النار والغار
وانا عليك عتابهم مااستطيعه
أشفق على حالك من الوالد البار
خوفي عليك من القسا والهزيعه
من ناس ماخافو من الظلم والنار
حطو هدفهم في حياتك ذريعه
وانت الضحيه بين عميان الافكار
ياليت يجمعنا اللقا والطبيعه
جمعا" له تاريخ ماهوب مشوار
على السعاده والغلا والشريعه
يلمنا الله يامنى الروح في دار
وإن ماحصل هذا غدى العمر ضيعه
بين الرجا والياس ويمين ويسار
مايذبح الرجال غير القطيعه
وإلى على الرجوى ترى القلب صبار

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين