سلامات يالدمام - نوض سدير

سلامات ٍ يادار العز سلامات ومية لاباس
كتبت أبيات بإحساس ٍ تفاعل له غصب شعري

سلامة قلبك الطاهر من الأوغاد والأنجاس
وسلامة ليلك الزاهي وسلامة وجهك البحري

أبشكي لله أفعال ٍ تحرك فيني الإحساس
قتل وارهاب ٍ وتفجير وامر ٍ حار به فكري

من اشباح ٍ تغذوا بالجهل واسترهبوا هالناس
فساد وبغي ٍ وكل ٍ على باب الفتن يجري

ترى والله "يالدمام" قدرك تاج فوق الراس
ولو طوّل ظلام الليل لازم يغمره فجري

ألا يالله يارحمن تدفع هالبلا والباس
وتحَفظ بحفظك الدمام ياللي في يديك امري

على كثر الشعر والنزف والأقلام والقرطاس
أفاخر بك وزاد اليوم بك ياديرتي فخري

ياديرة حبنا اللي عطرها فاحت به الأنفاس
ياديرة مجدنا الباقي وانا اكثر من بهايدري

وبختام القصيد ارجع واقول الف ومية لاباس
أناكلي فدا ترابك ياداري وفدوتك شعري

© 2024 - موقع الشعر