دروب الشــــــرف - نوض سدير

يقولون الزمان بخير..وآنا اقول به عثرات
مدام بدربي اشواك ٍ زرعها بعض عذالي

ألا يالواشي المسكين يامن عشت للزلات
تظن انك وصلت وحضرتك ماتوصل ظلالي

انا اللي لانظمت الشعر جيتك باجمل الابيات
على دروب الشرف والعز شعري .. ومعدني غالي

انا ربي عطاني قوة ٍ أقهر بها الشمّات
عزيزة نفس واقوالي أترجمها بأفعالي

تمهل لاتحسب اني من اللي يوطن السيات
انا بنت ٍ ربت في بيت عز..وبنت رجالي

ترفق لاتظن اني ضعيفة أنثر العبرات
ولاتفكرني ف لحظة بهرجك مشغلة بالي

لاني بطلب المعبود ربي محيي الأموات
ومدام الله معي حافظ .. تراني ماني لحالي

انا مالي ردى نية مع اللي كثر الغلطات
مع اللي ناوي ٍ حربي وتجريحي وغربالي

ابصبر ياعسى الله يحسن الهقوات والنيات
رضا الله عني ورحمة الهي غاية آمالي

© 2024 - موقع الشعر