الدموع اللي من الفرقى سكبت
احرقتني وانت مااشوفك بكيت
احسب ان لي وسط جوفك روض نبت
ويوم شفت الذل والله ماقويت
ماقويت ولا دلهت ومنك شبت
وسم روحي يالغضي منك اشتريت
ودام جورك في ضلوعي شد سبت
خذ قرايض فكر جوفي بيت بيت
احسب حسابك وقلي ويش جبت
لاتشره وانت جرحك مستميت
وقل لجرحك من زمانك وش كسبت
والله اني ماكسبت ولا خذيت
والذي غرك وحلاك ونشبت
مايسرك بالشدايد لا بغيت
والردي لو في كفوفه ماطلبت
الله انك ماتحوشه لانتخيت
هاك كل اللي من اللوعه كتبت
واقر صفحات الشقاء علا وليت
نذر لا منك قريته منه تبت
عن طريق الحب لاحزانك بنيت
وكان تبغى الحزن جرب لو رغبت
اعرف ان العشق للعاشق مميت
شفني اول قبل اجي لك ماتعبت
بس شوف اليوم من جورك رويت
الكدر خيّم على صدري وتبت
غير حب الستر والله ماهويت
الحزن شفني وتدري وش شربت
ووالله انك ماتذوقه وانت ميت
ومن بغى العبره يولع ماحطبت
نذر ماتطفي همومه لو يهيت

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين