سنو عليها السيف في زفة العرس - نواف الدحام

زرعت في نفسي لنفسي وصيه
اخذتها من جور الايام لي درس

وحطيت في صدري لك اكبر قضيه
واسقيت من دمعي على حبك الغرس

اثرك هبوب طافيً نار حيه
وانا من اول حاسبك حسبت الضرس

عشت الزمن مابين كيه وكيه
وانته علي اقشر من الروم والفرس

اجاملك وارقى بعال البنيه
واسترك عيوبك يوم يدني بك الشرس

وانا تعبت اجملك بالحميه
لكنك اللي فالعرب سمي الهرس

نقص على الدنيا بوجه وقفيه
والحبر طاح وصغت انا الشعر بالطرس

ونظمتها مابين ذيه وذيه
ماعاد باقي بالقصايد سوى الفرس

وباختم القصه وطول القضيه
في بيت ماخطته الاقلام بالكرس

كثر التعب مافاد رغي المطيه
سنو عليها السيف في زفه العرس

© 2022 - موقع الشعر