اهداف

ن كان تنشد عن علومٍ خفيّه
فاسمع علومي يالغضي زين الاوصاف

زين الوصايف كان عندك حميّه
الهم في جسمي من سنين ينشاف

ورّدتني يا زين حوض المنيّه
من سبّتك عانيت من هم واخلاف

قلبي تولّع فيك غصب عليّه
واصبر على ما صار والدّمع ذرّاف

أبكي على لاماك صبح وعشيّه
واون من فرقاك في كل مشراف

ارحم محبّك دامت الرّوح حيّه
وش تنتظر والعمر قافيه الاتلاف

عزّي لحالي من حياةٍ شقيّه
إمّا رحمت الحال يا ناب الارداف

شبكتني بسلوك حبٍ قويّه
يابو ثمانٍ ملعجه بيض ورهاف

ماريد غيرك لو يجيني هديّه
في حب غيرك يا الغضي مالي اهداف

لولا الحيا مارحت عنّك شويّه
والحب بلوى وانت يازين عرّاف

هذي علومي الاوله والبقيّه
انظر لحالي واحكم اليوم بانصاف