هات القلم يا معيض واكتب مكاتيب

هات القلم يا معيض واكتب مكاتيب
اكتب لابن شلاح يا معيض مكتوب

وانبيك من صدري حسين الهناديب
واكلفك زود على الكتب مندوب

توصل لابو مطلق كفيت التسابيب
حيث من اهل الطيب مسمي ومحسوب

نطاح بالشدات كل المواجيب
كساب للطالات في كل ما جوب

تلقون تقدير وتلقون ترحيب
ويقضي لكم راعي الوفا كل مطلوب

سلم عليه داد زرع المقاضيب
وعداد ما كلف على الهجن منجوب

سلام سالم من جميع العذاريب
نزه عن الزلات ما فيه عذروب

والد واحلى من حليل الحنازيب
واصفا من الياقوت والشهد والذوب

وبعد السلام ترتيب العلم ترتيب
وتقول له ناصر مولع ومصيوب

القلب صاب من هوا البيض تعذيب
والجمر كنه داخل القلب مشبوب

والعين تسهر كن فيها لواتيب
واصبيها كنها بدبوس مضروب

على وليف له بقلبي مضاريب
ما جاز لي غيره مع الناس محبوب

اشقر عفر مملوح سيد الرعابيب
اللي معه قلبي من الصدر منهوب

بنت الرجال اللي تفك المغاليب
يوم القبايل بين غالب ومغلوب

واشكي عليكم ياهل المدح والطيب
خلي بعيد ديار والدرب مقضوب

بيني وبين صويحبي يقنب الذيب
يورمي ثلاث اصوات في كل مشذوب

يهرف ويبدي عاليات المهاضيب
ويزجر له بصوت مروبع وملعوب

لا اخطا العشا واخطا طريق المعازيب
ليل الشتا كنه على الموت مجلوب

وانا رفعت الصوت وانخا الاصاحيب
واختص منه صاحب يقضي النوب

حيث ان خلي من قبايل واجانيب
واحترت ما جالي على وصله اسلوب

متحير محتار ومخيف ومريب
وحبه شربته داخل الكاس مشروب

هذا وانا لك في طويل المراقيب
شفق على وقفتك جنبي ومرعوب

اما تساعدني ببعض المطاليب
والا انك تنهاني عن الغي واتوب

رد الشاعر شليويح بن شلاح المطيري:
يا مرحبا بمنجب الخط تنجيب

عداد ما يخضر من النبت نبنوب
وعداد ما ركبوا على الفطر الشيب

فهود الزراج وخلوا الهجن جندوب
يبون فوق الهجن بعض المكاسيب

يوم القبايل بين كاسب ومكسوب
وعد النجوم الساهرات المحاديب

اليا سرت من صوب وانحت الى صوب
والذ من درامهات الدباديب

لاربعن ما بين صمان وخبوب
ترحيب من قلبي لناصر وتوجيب

اللي جوابه لابن شلاح منسوب
جاني جوابك يا حصان الاطاليب

بقاف يسمونه هل اللعب مسحوب
شفت الكتاب وزدت رغبه وترغيب

وفزيت له كني لراعيه منصوب
ناصر شكا لي والمحبه عواقيب

يشكي ويبكي باري حاله الدوب
يشكي هوا راعي العلوم التعاجيب

لاعة من فراق الرعابيب رعبوب
اللي نهوده شالع مقدم الجيب

عين اشقر توه على اللوح مجذوب
لا شاف ابن هندي تحطب تحاطيب

ينطق بلطف من محب لمحبوب
لا اغضا بنجل سود خرس مهاديب

كنه يتل القلب في راس كلوب
وهذي سواة الناس ما في الهواعيب

اللي على السنه ولا هوب مقلوب
لكن كيف افزع لناصر بعد صيب

من يترك الواجب على طول مسبوب
السالفه ما بين صياح ومجيب

ما هوب حكي فوق الاوراق مصبوب
لاوانها في وقت خض المشاريب

نفتح على الاجناب ثغرات ودروب
نجيه لو دونه جموع جناديب

في لابة تودع لك الدرب لهبوب
هذا كلام قد مضى له تجاريب

انشد عن اللي قد نخا مطير مذنوب
ربعي مطير اللي تهدي الاصاعيب

يوم القبايل بين غارات وحروب
تشكيهمه العيرات بيض المحاقيب

غير السيوف وشلفهم وام عرقوب
وشكيهم الفرسان شرق وتغريب

كم شيخ مقب مواجه مطير منكوب
وكم فارس عشوه عكف المخاليب

لا جا نهار المعركه كنه الشوب
تامن بهم في الخوف حرش العراقيب

ترعا بقفر بين الاجناب مهيوب
واليوم حكم ملوك ولهم مناصيب

والله يعز الدين ولا من مرغوب
هذا وانا بفزع ولا لي تجانيب

واسوق من مالي ولاني بمغصوب
واليا نخاني صاحبي عنه ما اغيب

افزع وانا الممنون لو اكسب ذنوب
ابشر بجاه ومال ورامي التسابيب

لعلها تاتي على خير مطلوب
ان جابها مولاك عقب التناشيب

قميص يوسف يوم كزه ليعقوب
شمه وطاب من العمى واللواهيب

واتلا عما عينه يوم انه اروح الثوب
وتم الكلام بذكر من يعلم الغيب

وصلوا عن اللي عن خطاياه محجوب