يالله يــا منـشـي الـسـحـاب الـمـزبـر

يالله يا منشي السحاب المزبر
يا جامع الامه ومحصي عددها

تغفر ذنوبي يا إلاهي وتستر
عيبي نهار الام تنسى ولدها

والبارحه ما امسيت ساهر وافكر
في صاحب(ن) سافر وكبدي لهدها

يقول لي اصبر وانا الصبر ما اقدر
وحلو الليالي راح واقفى سعدها

يا ابو عيون(ن) تبهر اللي يناظر
من شاف عينك صاب عينه رمدها

ويا ابو ثمان(ن) صافية ذبّل غر
الروح لا رحتي تفارق جسدها

في كل ليل(ن) من سبايبكم اسهر
والناس نامت واهتنت في مهدها

عهد(ن) علي اني لزوره واسير
لو كان كل الخلق تحرس بلدها

ارخص لها الغالي ودمي ولا اذخر
وارخص لها الغالي وتبقى وحده

اللي عشانه اشرب العلقم المر
حيث ان روحي دبلت(ن) وسط يدها