لاواحلالا شوفت العين للعين
والكل منا مجتهد في وصاله
نفرح وننسي لوعة الهم والبين
ونعيش في حكم الغلا بالعداله
هذا تراه مناي اول وهالحين
وش حيلة اللى ماتحقق مناله
لوادري ان الوقت يسمح بثنتين
يغلب عليها الحظ وتصير فاله
الاوله لاماك يالصاحب الزين
ياللي عطاك الله من اروع جماله
والثانيه في عشرتي ماتخونين
مهما يطول الوقت ويكون حاله
ماقلت في دنياي حظ السلاطين
اللي خذوا مايشتهون بسهاله
بس البلاء وين انت عني وانا وين
تبقى بعيد ومن يحبك لحاله
حني علي تكفين تكفين تكفين
صبرالعقل لاطال يقلب هباله
وانا دخيل الله من الموقف الشين
والرجل تبقى عزته رأس ماله
تعليقات الزوار
- كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
- بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
- إدارة موقع الشعر لا تتابع التعليقات المنشورة او تقوم بالرد عليها إلى نادراً.
- لتواصل مع ادارة موقع الشعر إضغط هنا.
