حادثة إجهاض

أول وليدٍ في هوانا و سَمَّه..
احترت أنا مدري شسمي نِمانا..

سمه مواجع لِزَّه بخيبة أمه..
و الا سهر دام السهر ما سلانا..

طفلٍ خديجٍ فرحته كبر همه..
حنا زرعنا و الله اللي عطانا..

الهم خاله و التباريح عمه..
الزرع طالح من رداك و ردانا..

درب الخطايا عارض اقلال ذمه..
كانه جريمة فلا هوب اول خطانا..

شل الخطية في ظلوعك و ضمه..
انعش بقايا نبض باقي بهوانا..

بين الحضيض و بين عالي و قمه..
ومن مبتدا همك الي منتهانا..

كم لي أشيل الحمل وحدي و أزمه..
و كم لي أداري و عيا يقصر عنانا..

كم لي وأنا أجهض قبل شهري ماأتمه..
كم فرحتن غابت و جرحٍ لفانا..

قتلني صمتي و بكري بيحت دمه..
يوم عاذلي صوب سِلاح و رمانا..

كتمت صوته قبل ما يقول يمه..
إيوه قتلته و مات بيِدك ضنانا..

بعثرت حبي لي زمانين ألمه..
طيف التعاسة عيا يترك سمانا..

تعبت أنا أشحذ عزم قلبك و أهمه..
يوم الليالي وافقت مشتهانا..

مثلك أناني ليطغا وش يهمه..
و مثلي تعنا في هواك و تفانا..

بَهِلِ دمعي لين يِغرقني يَمَّه..
و لا عاد بسأل وش تركنا ورانا..

و ليمات همي و طبت بنشدك ثَمَّه..
لاونست تانيب الضمير و تبانا..

و قام شيخ العشق ينفض لي كمه..
و أعلن رحيل الحب و صد و جفانا..

بنشدك من وأد حنيني و دمَّه..
و من اللي أخرس فينا صرخة نماما..