وحي الأرق - مهدي بن سعيد

متى اكتشفت ان العمر ..
" حفنة ورق "؟!
مدري متى ..
لكني اتذكر تعذيب الشفق
وقبلي قطيع من الهجوس؟؟
وخلفي هزيع من "الأرق "!
**
واتذكر ف صبح الهزيع..
ان الفصول تبدلت
حتى الربيع..
اقدم جميل ف دفتري واول
عشق
يبست زهوره في الخيال ..
" إلا السؤال "
امتد ف كتابي ..
وف احبابي ..يفتش عن شمال
المفترق
**
وكان الطريق
يضيق مثل المدرسه
مثل " الزوايا " اللي تحاصرني
ف ( علبة هندسه )
وصار " الأصيل "..
حكايتي .. ودربي الجميل ..
الى الهديل الي اللي بدمّي
مغرسه
اصحى .. اشيله تهمةٍ بالمسّ
أو بالوسوسة
وانام واصحى اتلمسه ..
لاينسرق
**
وبعد الدروب ؟..
درب لآخر هالعمر
وايام تجمع هالورق ..
في دفتري ..
من يشتري؟!
من يشتري دفتر شعر؟!
ويبيعني " ليلة سلام "..
ابغى انام ..
ابغى انتصر ليلة على ( حرب الكلام )
ابغى انتصر
من يشتري وحي الأرق !
© 2022 - موقع الشعر