كلن مسك زاويه - غير معروف

مدري . احس البشر كل ٍ مسك زاويه
ا للي كتب ماكتب . واللي قرا ما قرا

. والوقت عاد اوله باذيابه العاويه
والخوف رجع عظيم احلامنا للورا

. والوضع خربان .والدربين متساويه
ياثقل الايام والخطوات فوق الثرا

. ياسود الايام ويش انتي بعد ناويه
اكثر من اللي جرا . اكثر من اللي جرا

. ما عاد باقي على البركان والهاويه
الا ثمن سلعة ٍ جابت عما اللي شرا

. لو القضا والرضا بدروبها غاويه
ماكانت الناس بالما والتراب اخشرا

. ياماويه . آخ . أنا . ياسين ياماويه
انتي مريضه وانا في قرن رد البرا

. يامرة الصبر . جمرة حيلتي كاويه
تدرين والا عسى اللي مادرا مادرا

. اهم الاشيا طريق ٍ قطع بمعاويه
يوصل وتقطع ذنوب المحبره والغرا

. خشمين لابليس بانت لي بلا راويه
والقيد بيديه واعيونه جفاها الكرا

. والكبر هده ولاوي خشته لاويه
واشيب عين الخبل اليا.طرا ما طرا

. من لوحة القرن الاعظم صار في حاويه
في دائرة حيله اللي بس يسمع يرا

. ياناس ياسارحه.. ياناس ياضاويه
قرّب دمار الامم . قرّب هلاك القرا

. الارض والقرض والشعبين والداويه
والمسخ والنسخ والتمساح والافترا

. ياهل ترا نعتبر من طية الطاويه
ام . انها . كالخرافه في نظام الهرا

. ياروح مافيه بعدك روح ياخاويه
يالله بنا نرتحل . مادام سرك سرا

. والناس في فالها واللي مسك زاويه
تنبيه الايام . علّه ما كتب ما قرا

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر