ياربعنا عنـدي لكـم خمسـة أشبـار - ممدوح عبدالله المرزوقي

ياربعنا عندي لكم خمسة أشبار
بابيعهن للي فلوسه كثيره

الشبرعشرة ميل وشوية أمتار
وابغى على المترالمربع شعيره

باضحك على المجنون ولي معه زار
واخذعليكم سجتن واتعبيره

والعب مع الملقوف مفساح مقطار
واجعل لكم عند النشاما مسيره

واخذبكم تسعه وتسعين مشوار
والعن ثواكم بالدروب العسيره

لوان فيها شوي هسه ومحدار
محدن بناقدني بوسط العشيره

ماني بقوله حب في نظم الاشعار
من دلنا التالي بشبه الجزيره

ماينشد الرجال عن صايرن صار
تلقاه من بنت الجبل فيه ذيره

أوي والله ظلع والظلع ابه غار
يدوي يادوب تشوف فيه الذخيره

وراحت حيود الظلع من ناروحجار
ياتنكسر والاكلتك السعيره

ولايدق لسان كبدك بمسمار
وتمشي مع البيدابليابصيره

ياعنك شوط الكهربه يوقد النار
من سلك عاري من سلوك الظفيره

وشوف عرض السوق معرض وسمسار
وعندي خبرفي عامله من مديره

ودام الزمن فوق المخاليق دوار
بالبيض للحمران مافيه خيره

يامن لكم بالبيع والمشترى كار
ياحافرين الدرب شرن وغيره

الحوم يبرم روسكم لين تندار
والغوص يظهر زبدكم من مظيره

ولاكل من غاص البحرجاب محار
يامدورين الدره المستديره

والله لااغركم بغبات الابحار
وقطع نسمكم بالبحورالغزيره

أنابغبة لطم الامواج بحار
مانيب أدورهابشط البحيره

ومادونها صدّه ولافيه معذار
وعندي لكم سيفن حدوده شطيره

يقص راس الداب ويوّسم الثار
ويصّحي الي منجظع في سريره

ماللردي ولاش حشمه ومقدار
ولااللي تقلب نيته في ضميره

النذل مايدرى على جيرة الجار
مايلزم الهلباج خوه وجيره

ياكل مقفى الادمي عشرة امرار
لاغاب والالاحضرمايديره

يضحك بوجهه كل ماجاه زوار
لاكن في كبده عليه المريره

ولولااني ادرى من مشاريه الاخيار
اني لحط العاليه بالجفيره

وشب فيكم ورمي العبد لابار
وسود القلوب الي تفوح بخميره

شذابة العرقوب شهبان الانظار
امفرقين الخلق في كل ديره

ياهل النمايم يامدورين الاخبار
لابعث ابوكم ماتبون الستيره

الي حداني لين وقفت ابختار
هرجن يروج بينكم بالسريره

ودي بكم وان طالن الاعمار
لاجرفوق المتقين الجريره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر