غيم ودلال - مقبل الزيني

حفل المواجع..والصدف..والمعازيم
ما استحر من..عرض النوايا سليمه

الله يلومك..ياليل الملاثيم
في ليلة كان النصر..والهزيمه

سقتي ركاب الحب..سوقة مجاهيم
وردت على بير الجروح الأليمه

مدري رداة الحظ..ولا المقاسيم ؟!
بس الأكيد طعون قلبي عظيمه

شفتك على حد الشفق..حزة الغيم
للحلم ليل..وللسوالف غيمه

دام البحر شطه على رمشك مقيم
فانتي على جال الحنايا مقيمه

صبحك دلال..وبالندى جيته ديم
وعلى دلالك..والندى جيته ديمه

همت البهاء..وتراود الحسن ويهيم
قبل الغنج..قبل العلوم القديمه

وصلك تعذر..والأماني مفاطيم
صحيح..ما كل الليالي رحيمه

ياريم أنا وقلبي مطاعنك ياريم
ليت الطعون..تنسي القلب ريمه

تدرين..ماكل المواجع محاشيم وأنتي على كل المواجع حشيمه
رغم الأسى..رغم الجهل..والمفاهيم تبقى القرارات الحكيمه..حكيمه

نبقى المواجع والصدف..والمعازيم لليل ذكرى..للمعاليق ريمه
© 2024 - موقع الشعر