الفكر غيّم

الفكر غيّم سماه وهل غيثه بيوت
عينن تخيله شفوق وعين فيه فرحت

تصاقطن من سماهن شبه تينن وتوت
فرايدن والقصايد من حشاي ربحت

والناس تشفق علي شوفت خضار النبوت
خصا ليا ذكر سيل وللبروق لمحت

تبقى صلاح الأراضي من صلاح الوقوت
لازان وقتك تزين ولاتنحى نحت

ولا يرجع الفايت اللي فات جرات صوت
الا ليا قاله الله والظروف سنحت

ولا كل من يرغب الطوله ينول ويفوت
ناسن اوت لسقوط وناس فيه فلحت

ولا بلغ من الصمت لا جاله مجال السكوت
ولا شجع من الراي لا من النفوس سمحت

لو المشاكل تموج ابنيت العنكبوت
ما كان شفت البشر للكايدات دمحت

يصير بين الزعل والنفس مقدار فوت
ومن طيبها لا دنا منها قريب صفحت

فكر بعقلك وشوت الجهل بالرجل شوت
واحفظ لسانك ترى بعض الحروف جرحت

ولا تقول انا ارقى عولا والناس حدري ثبوت
انكان قلبك غفى فقلوب غيرك صحت

والمكر لا تامن صحابه تفل وتلوت
لو تنزون شلته في كفتن مرجحت

وارفع يدينك تضرع في دعاء القنوت
لا من قبل توبتك ربك ذنوبك محت

الله فزع للنبي يونس وهو بطن حوت
نواله الله بنيه واثمرت وانجحت

والدايم الله وغير الله لزومن يموت
لو طال عمره وعنه المايلات نزحت