الحــلم الخــيالي

تبيني ابتدي واطرح سؤالي
ابيك تفسِّر الحلم الخيالي

وتشرح لي تفاصيله الجميله
وتوعدني على شوفتك تالي

أنا بصبر ولو صبري تعدَّى
وبتحمَّل ولو مهما جرالي

بضحِّي.. وأنت تستاهل اضحِّي
على شانك لانِّك راس مالي

أشوفك شي نادر في عيوني
وحيد وغير عن كل الرجالي

تذوب العاطفة بهمةْ حديثك
وبقوى بصوتك الداني احتمالي

انا منِّك حبيبي وانتْ منِّي
تجمِّعنا الأصاله والمعالي

قبايل والشوف فينا تشرّف
نعم واحلامنا فوق المحالي

أنا اعرفك وتعرفني وتعرف
تراني بنت ابوها ولا تبالي

لي عزومْ على الشده قويِّه
ولي نقطةْ ضعف وحده.. جمالي

وراعي الوصف قد هو قال كلمه
تخلَّد ذكرها أول وتالي

ورا أعظم رجل حرمة عظيمة
وفيَّه وشامخه مثل الجبالي

وهذي هي أنا.. هذي.. أنا اشْهَد
عساها رويةْ الحلم الخيالي