ابيات مهداة للشيخ / غازي بن مفيز العضياني - مصيبيح بن جريان العضياني

بديت باسم اللي هزم صاحب الفيل
وصده عن البيت الحرم ماوصله

ارسل على جنوده طيور الأبابيل
بحجارة السجيل فوقه تهله

الواحد اللي كون العدل والميل
سبحان ربٍ كون الكون كله

من جاش صدري قلت زين التماثيل
ابيات مافيها خطيّه وزله

آزن كلامي وافصل القول تفصيل
وأحط للأقوال شاهد وادله

أبيات مهديها لقرم الرياجيل
اللي فخر بالطيب والمدح كله

في مجلسه تلقا اشقر البن والهيل
وسوالفٍ تجلا عن الكبد عله

والعود الأزرق للنشاما بلا كيل
وذبح السمين المنتهي عادتله

يفرح ليا شاف الطراقي مقابيل
واللي جلس في مجلسه مايمله

حلال عسرات العقود المفاتيل
وليا حظر في مشكل الغير حله

ابن مفيز اللي طلع طلعة اسهيل
ياجعل خبلان العرب فدوتله

من ربعةٍ تعرف بجيلٍ بعد جيل
رجالهم يقضي على الجمع كله

اولاد مجهل فالملاقا حلاحيل
ياسعد منهم باللقا فزعتله

عقال عراف جهلةٍ جهاهيل
يجزون من رد الجزا جزوتله

قلته وانا ماهمني ناقل القيل
ولادس راسي في كلامي رضله

ماهمني راع الحكي بارد الحيل
ولاعاش منهو ضاريٍ بالمذله

وعلى النبي صلوا صلاةٍ بترتيل
اللي نزح عنا البدع والمضله

© 2024 - موقع الشعر