يالله عسى لطفك - مرشد البذال

يالله عسى لطفك وعفوك نحوشه
يالله بحسن الخاتمه عند الفراش

ياحول واظن الحق جتني طروشه
جتني طروشه وانا عنه منحاش

دنياك لو تعطيك حلو المعوشه
تالي سوالفها تعود على ماش

ياما خذينا باول العمر طوشه
ياما مشينا في مظاهير وادباش

ياما جلسنا مع مردوع انقوشه
في سهلة(ن)حدرنا زل وافراش

في خايع بل الثريا رشوشه
نجلي زبيدي في صحاصيح وادباش

واليوم شفني جالس عقب دوشه
اصمد عظامي كن فالكبد هشاش

خليت ديواني ومجلاس حوشه
عقب المعزه جالس دار الانعاش

والنفس ضاقت عقب ماهي بشوشه
مثل المقيم اللي نوى المطراش

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر