قالوا حكوبك

لـ مرشد البذال، ، في غير مُحدد، آخر تحديث

قالوا حكوبك - مرشد البذال

قالوا حكوبك قلت وشهم يطرون
وش قيل فينا يالوجيه الفليحه

شوفوا مرد الهرج وش هم يقولون
حتى نعرف مزوره من صحيحه

مصيرهم لو طول الوقت يدرون
اني صريح ولي نيه صريحه

الهرج لن ماجا موثق وموزون
هذه سوالف زور ماهي نصيحه

حنا رقينا النايبه عز وغبون
روس الطوال النايبات الفسيحه

كم كلمةٍ سفله من اللي يحقدون
عندي جزاها من فنون القريحه

لاذم ينقص بي ولا مدح يثنون
كم واحدٍ يحفر بدينه ضريحه

عدونا لو جادل الشين بظنون
صيور دورات الليالي تزيحه

من شافنا بالحلم لوكان مجنون
يصحى ولا يرجو يدينٍ شحيحه

للحرب طبلٍ فالمغازي يدقون
سهم الوتر لاغار موجع طريحه

ومن سايرٍ سيره على النور مفتون
ومذللٍ ذيب الظلام لوضيحه

يلقى رضا الخلاق ويصير ممنون
قرير عين وجنة الله مريحه

هذا لانه صد ربعٍ يذمون
ربعٍ ترفع عن علومٍ قبيحه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر