وحش المساء

يامرحبا بالشمس في كبد قمرا
يام العيون اللي هدبها مسابيل

تعال ياوحش المسا وانته ادرا
اقلط على عرشك وجر المواويل

ماغيرك اللي معه سلطه ويجرا
يسطي على قلبن ضلوعه مصاهيل

رز البيارق واشعل الضو حمرا
ثلثين ليل ومسرح العشق تهليل

مثل السحاب اليا لفا الارض قفرا
وهز المزون وصار ليله هماليل

تاسرني عيونك ولو هن خدرا
واجيك شوق ً للرموش المضاليل

اثر العيون لضامي الشوق خمرا
والنادل احساسن يدير المعاميل

اموت من نظرتك واطيب وابرا
حتى جفن عينك يسوالبهاذيل

تعال وقطف من فم الشوق ثمرا
واعلمك وشلون حلو المحاصيل

الليل طاب وضوها صار بدرا
اطف الشموع وطف كل القناديل

ياعاشقين الجدي والليل مسرا
وش حاجتي للجدي وبكفي سهيل

افداه من تاطا على الارض عذرا
وفداه من حطن على روسهن شيل

هذا وانا عشقي من الخيل صفرا
ما سحبت بلجام مثل اقشر الخيل

يوم الخيول تباع باثمان غبرا
وكلن على ذوقه كما دارج القيل

سقت الثمن فيها ثمانين عفرا
من خيرة المغتر بكارن مشاويل