يا حمامة

يا حمام ناح في عالي الغصون
ويش لك من نوح نقضت الجراح

ما حلاءها الريش من فوق المتون
والعيون الدعج والبسمة صباح

يا حمامة غردي زين اللحون
خل معشوقك سهر ولا استراح

الصحيح إنك من أنواع الفتون
اعشقك وأهواك من دون الملاح

الصبر يشفي صعيبات الطعون
والأمل بلسم جروحه بالصفاح

يا سعادة خاطري ليلة سكون
باللقاء المعدوم في أرض فساح

يا حمامة عذبي زاد الشجون
واطلق اسهومك ترى همي يزاح

جعل ديره سكنها طيرنا ما تهون
والمطر هتان والبراق لاح

زالسيول اتسيل والغالي يمون
والعشب يرسم بصفحة من جراح

ودي احلق معك فوق الخصون
واقطف المحصول من فوق الوشاح

بارسل الكلمة تعطر بالفنون
ويتغن به حمام الورق ناح

ما حلا اللي بسرنا دايم يصون
ما نزع لو كان ريشه من جناح

يا عذاب الروح دايم في سجون
يذوق الدمعة وقلبه ما استراح

يا حمامة ما حلا حور العيون
شكلك المعدوم لاعته الرياح

كيف باتحمل ومنتالي تكون
وذكران الغير حرم ما يباح

لازم نشريك يا شافي الطعون
بالكلام الجد ما هو بالمزاح

ليتك من الفرع ولا ما لغصون
واقطف ازهورك ولا هم الصياح