ابن شتيوي على العربـان ياصبـره - محمد شتيوي البقمي

ابن شتيوي على العربان ياصبره
يجيه زلات واجد ويتحملها

ويخاوي الطيب اللي وافياً شبره
ويقول حملت قصيرين الخطى شلها

فكر وجرب وخذ مما جرى عبره
مع عالماً شافها كثرت مشاكلها

بعض الرياجيل بلسانه حفر قبره
يشعب ذلوله وزلاته مواصلها

ويشوف في الناس ما مثله ولا كبره
ومنزل نفسه اعلى من منازلها

ياكاسر العظم ما تقدر على جبره
ارجع وخلك خصيم النفس وعذلها

لا طعت نفسك وطعت السانك الهبره
اصبحت شرساً اللحوم الناس تأكلها

والعاقل اللي يعرف الحلم ويعبره
ارسل عليه الرسايل ويتجاهلها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر