كريم يا برق سرى تالي الليل - محمد بن دغيـّم السميري

محمد بن دغيّم السميري العتيبي
كريم يا برق سرى تالي الليل

ماهو بعيد اقول حول الخرابه
برق ورعد وامزون غر وهماليل

البرق يبرق والحيا في سحابه
جعله على هاك الدّير يخر السيل

على علاوي دار ربعي عتابه
يسقي ديار ام الرموش المظاليل

اللي لها بالقلب قدر ومهابه
اللي لحت حدب الظلوع المهاليل

حنت فوادي حني قوس الربابه
الزين واجد في بنات الرياجيل

لكن هاذي زينها ينحكابه
هاذي تغط الجيل جيلٍ بعد جيل

جميع وصفٍ زين تملك نصابه
مزيونه فيها جمال وتهاويل

ماشفت والله مثلها في شبابه
لوجيت اعد اوصافها بالتفاصيل

تعبت واتعبت القلم بالكتابه
في وصفها مالي لاطوقه ولاحيل

الله يبى من يتقيه ويهابه
نوطاً غلاها ذقت منه الغرابيل

وقلبي نهبته من فوادي نهابه
والفتها ولفٍ بليا محاصيل

لاوا ذهاب المهتوي وا ذهابه
عني بعيد وجودتها المحابيل

خلي جنابي مايواجه جنابه
داره بعيد ولاتجيه المراسيل

زلن ثلاث سنين ماطق بابه
انخاك يا تراحيب قرم الحلاحيل

وده جوابي ثم عطني جوابه
عطها الكلام اللي على شانها قيل

والا للا ها كان ماقلت جابه
يا ماحلى الفنجال عقب التعاليل

عند الوليف اللي هبابي هبابه
فنجال بريه اقناده من الهيل

كيفٍ لراع الكيف يحسب احسابه
فنجالها عندي بعشرة فناجيل

يجلى العماس ويستوي لي شرابه
وليا حصلي شوفها بالتساهيل

شوف الخلايق غيرها ويش ابابه
داريت اهلها لين ذقت البهاذيل

وكلٍ وقف من دونها في احزابه
عيوا عليها اهل القلوب المغاليل

تعصبوا من دونها بالعصابه
وعودٍ عن العصيان لايمكن يميل

على العصايه من بداية شبابه
لعل ابوك يجيه ماجاء هل الفيل

ابوك واخوانك وكل القرابه
يجمعهم الله كلهم جمع تنكيل

واللي تغيّب راجع ٍ من غيابه
ويرسل عليهم ربهم طير ابابيل

مافيهم اللي سالم من صوابه
مايسلم إلا انتي وانا والمحاصيل

نبي نتورث مالهم ونعثابه
هذا جزاء اللي مايعرف الدواليل

اللي بدون اسباب شب الحرابه
ويا الله لاترحم هل القال والقيل

واللي سعى من دونهم بالنيابه
© 2024 - موقع الشعر