قال من ينقا الكلام وياخذالقول المثالي - محمد بن دغيـّم السميري

محمد بن دغيّم السميري العتيبي
قال من ينقا الكلام وياخذالقول المثالي

يشغل افكاره ويبحث بحث عن بيت القصيده
واقنص المعنى الفريد اليا عرض لي واستولى

اتعرض له واصيده قبل غير لا يصيده
عارف شعر الحداثه واعرف الشعر الهلالى

كل فن من فنون الشعر بإذن الله اجيده
وان كتبت الشعر لله ما كتبته من خيالى

اخذه من واقع التاريخ وافعال وكيده
ننتفي خير الكلام الجزل ونكب الهزالي

حشمه منا لبو تركي عساه يعود عيده
مرحبا بك يابوتركي عد ما بيد الهلالي

وعد ذرات الرمال من اصفهان الى الحديده
مرحبا حيا الله اصحاب السمو واهل المعالي

عدما يقرأ وما يكتب بصفحات الجريده
لك محبه يا بو تركي تسكن قلوب الرجالي

من قديم الوقت لا لا لا تظن انها جديده
انت غالى والوطن في قلوبنا يامير غالي

كيف اعبر عن غلا مهد الحضارات المجيده
البلاد اللي حباها الله ببيت لا يزالي

تهوي إله الأفيده وتتقوق له لو هي بعيده
كلنا مكه وطيبه صامدين ولا نبالي

ما تزعزعنا عصابات الشياطين المريده
لعنة الله تلعن اصحاب التشرذم والضلالي

لعنبو من سوّلة له نفسه يدبر مكيده
صاحب الارهاب ما ينجو لون الوقت طالي

واقف له سيدي نايف بقبضه من حديده
كل فتنه يابو تركي منتهاها لزوالي

والحدث يحدث وناخذ منه درس نستفيده
والتطرف والغلو فتنه واشد من القتالي

ديننا كامل ولا يحتاج فزعه من يزيده
يا مكفرة المشايخ يا قبيحين الفعالي

خبروناالعلم ويش اللي كسبتوا من رصيده
ما كسبتوا خير غير الشر بالاول وتالي

والنصارى واليهود بما فعلتوا مستفيده
كيف كفرتوا رموز العلم يا جيل الخبالي

زمرة التكفير كل افكارهم ما هي رشيده
سمموا تفكيرهم شرذمة كهوف الجبالي

ياخذون افكارهم من ملحدٍ يسعى بريده
زمره ما فرقوا بين الحرام من الحلالي

حللوا دمٍ حرام محرمه محصي عبيده
استباحوا دم مسلم مع معاهد مع موالي

والله اللي حرمه بالنص في ايات عديده
اصبحوا مثل الهزيل الي يباشيل الثقالي

واصتدم له في امورٍ شيلهاالكايد يكيده
يعجز عن الشاه ويقول اقدر اشيل الجمالي

مادري انه مانقص رقم الحساب ولايزيده
قلب رجلٍ لغم المصحف من الاسلام خالي

يدع الاسلام ويلغم كتاب الله بيده
وعلمانا قدوه إلنا من قديمات الليالي

من زمن عبدالعزيز وفي زمن فهد وعضيده
هم ورثة الانبياءمافي مكانتهم جدالي

هم هل العلم الصحيح اللي عبادالله تريده
بامر ابو فيصل وابو متعب بعد رب الجلالي

ما نخلي في البلاد ولا أرهابي ما نبيده
راينا والصف واحد ما حصل فيه انفصال

موقف الاجداد بالامجاد حنااللي نعيده
والبلاد بخير والحكام تحكم بالعدالي

الملوك اللي علاقتهم مع العالم وطيده
الشريعه حكمهم في كل وقت وكل حالي

دولة الاسلام قادوها ونظرتهم سديده
يالله المعبود ياللي من على الوالين والي

احفظ الاسلام وأحفظ دولةٍ تحماالعقيده
والسلام ختام لصحاب السمو واهل المعالي

والتحيه للامير اللي عساه يعود عيده

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر