قصيدة الشاعر حسين بن عايض السميري
قصفت الضماير قصفة ابراج نويويرك

واصبت الهدف مشكور فالميّه الميّه
على دقة التصويب كلٍ يبا يشكرك

خلّيت المسيحي بوش يجفل من الفيّه
قرصت أذنه الحمرى وفركت خشمه فرك

وثوّرتها حربٍ علينا مسيحيّه
حجازي ووجهك سارقه من وجيه الترك

للاني عرفت العايله قلت تركيّه
لكن اصبري عليّ يابنت وين إديرك

أبا أشوف دارٍ طلعها مثل هاذيّه
قالت من قريّب لاتكثّر عليّ إفكرك

أنا من حمام الدار ماني جنوبيّه
وأنا أقول لو مجنون ليلى يشوف إصورك

ترك حب ليلى قال ماهي بهاذيّه
ويجي عند جنّه من حلاياك عض وعرك

ليا شافك المجنون ينجنّ جنيّه
محمد بن دغيّم السميري العتيبي

انا يوم شفتك يالسنافي تهل إعبرك
تهيّضت منك وقمت اهل العباريّه

على واحدٍ والله ياحسين لو ناظرك
لٍتصبح عليك من المجانين ماريّه

عيونه اليا لدّيت في رمْشها قزرك
وانا قد ذبحني يوم لدّ النظر ليّه

يدمّرك مثلي والمصيبه اليا دمّرك
ماسرّك قراوي شيخ وعلاج صحّيّه

ورمشه اليا منه نوى الفتك ماشاورك
نتائج رموشه فيّ هل الودّ عكسيّه

طبيعي اليا استولى على القلب واستيسرك
ولو مت من حبّه نتيجه طبيعيّه

لوانّك تشوفه مثل شوفي حذفت إغترك
وحذفت الثياب الضافيه والسداريّه

غرامه موصلني حبال العنا والدرك
ومعاليق قلبي منه ياحسين مسبيّه

تحيّل بقلبي لين ودّه شركني شرك
تحيّل بقلبي لين وز الهوى فيّه

انا كيف ازورك ياوليفي وكيف أسبرك
مدام انت فالخارج وانا فالسعوديّه

ياطول المسافه بين داري وبين إديرك
تبيّد إجداد الطائرات المريكيّه

اليا ذعذع الغربي عليّه لزوم أذكرك
أبا أذكرك لو ماكل حيٍ ذكر حيّه


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر