سلمت فاهلي - محمد امين جدمور
سلمت فأهلي و خدمتي في جربة وفي بلادي جرجيس بلي فيهاو اليوم هاني في بلاد الغربة في سويسرا و ماأصعب العيشة فيهافي بلاد يا مصعبها لا عرفت شرقيها و لا مغربهاو لا فرزت ثناياها و لا مساربها و لا شئ يشبه في بلادي ليهاولو كان موش النفس أنا غالبها أول طيارة اطير نرجع فيهالكن أنا جيت هارب من الفقر و الاحتياج ساسي خاربآش جاب لي في البحر عنده قارب و بالحوت ديم صنادكه معبيهاو اللي صنارته الحوت منها هارب تجي فارغة في كل وين يرميهاهكاك حال الدنيا ربي خلق لقلالة و الغنياثم اللي يلقى الكرهبة و البنية و ملي يتزاد طفلة متسمي عليهاوثم اللي كيفي في مشقة وبلية ساعات خبزة يحير باش يشريهاالوقت راهو ظالم و يا رب بالأحوال انت العالمأنا طالبك ربي الكريم الدايم تفتح بيبان الخير و توريهاوان شاء اللله نرجع لبلادي سالم جيبي معبي و قضيتي قاضيهانرجع لبابا و أمي ولخوتي و أصحابي بناني عميثم نعيش مطمان ننسى همي وننسى بلاد لوزان و كوازيهاو القوت اذا كاتب يجيني لفمي و هالدنيا لا واحد مخلد فيهافي بلاد موش بلادي اذا جرالي سوء من اناديلا خو باش يفزع يحل قيادي و لا أهل يصغو المشكلة نحكيهاولا أم تتفقدني وسط رقادي اذا المخدة معوجة تساويهاواجب علي نسافر نخش بر ما دخلاش قبلي آخرو نعاشر ناس أخرى يهودي وكافر ونصبر على المحنات ونعديهاونخدم ونصور المال الوافر ونكسب حاجات لكنت نحلم بيهاللشاعر محمد امين حدمور
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.