رزنامة الأشواق - محمد الوبير

ياللي سريت العام تصبح على خيرللصبح نجمِ في طوالع جبينك
تعبت ادور عنك في زحمة السيرياللي المسافه جرح بيني وبينك
عجزت الأقي للغيابات تبريررزنامة الاشواق تنعي سنينك
شخبار قلبك والمواثيق والبيروالدبله اللي حشرجة في يمينك
من فيهم اللي باع مبداه للغيرمن فيهم اللي بقسوتك مايدينك
شيصير يعني لو تعذرت شيصيريا زارع التحنان عطني سمينك
تعال بس شوي وارحل مع الطيرعلى الاقل تفرك يديني يدينك
وان شفت باللي اطلبه منك تبذيرما قلت لك شلني على راحتينك
وان جاك مني ياهوى البال تقصيراسمع صدى حزني اذا صحت وينك
صب السوالف لا تموت المباهيرواقدع من عذوق الغلا تمرتينك
خليتني ابلا سبب للمقاديرتطرب على نغمة مواجع سجينك
لو روميو يعرف مآرب شكسبيرماتشرب كمومي مدامع حنينك
تسكن بصدري بس ماتلبث تطيروانا عيوني تنتظر ليل عينك
وشلون بصبح في غيابك على خيرالخير وينه وانت والنوم وينك
© 2024 - موقع الشعر