تعلمت المراجل والمراجل تجذب المعلوق
تجاذبني دروب المرجله والقلب تواقي
يتوق القلب لرجالٍ بفعل الطيب ترقى فوق
هل الوقفات والفزعات لا من الزمن ضاقي
ليا منك نخيت الرجل كن في ناظريه بروق
يفز وينتعت كنه لسهم الموت عشاقي
يقول ابشر بعزك لو نسوق المال بعد النوق
تراني محزم لك لا احتزمت بظرب الاعناقي
وتراني من هل الطولات واهل العلم واهل الذوق
وخوة طيبين الساس واهل المنطق الراقي
اخذت من المراجل كل شيءٍ رابح في السوق
بسوق المرجله باشري ولا باحسب انفاقي
واخاوي كل صاحي واتجنب خوه المطفوق
واببعد عن رجالٍ حبها لي كذب ونفاقي
رجال على المصالح نوخت بالطاق والمطبوق
تظاهر بالوفاء والقلب غشاشٍ وبواقي
هل العمله اللي كونت بالضمير فتوق
جزاهم على الله والشكاوي لخلاقي
اببعد طريقي يا عساني انبسط واروق
وانزه مقامي وارفع هناك معلاقي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.