ياموقد النار - متعب بن مضيان العطاوي

يازين في عالم النسيان وش جابك
وانته معي فاول الرحله وتاليها

عهد ٍحملته من عيوني على اهدابك
سقط من الذاكره والا اندثرفيها

اليوم كل العتب مني على بابك
وشلون تنسا الامانه وانت راعيها

تذكّراللي من اول يوم حيابك
يوم انت في مهجتي ضيف ٍيسليها

افرح لياجيت يمي واكره غيابك
وازعل مدينه لجل عينيك وأرضيها

ياعاشق الحب وين الحب واحبابك
بينك وبيني قضيه وين قاضيها

احسب حسابي معك ويبين حسابك
وانصف عيونٍ بكت بوجودغاليها

مادام نار العتب شبت من اسبابك
ياموقد النارماودك تطفيها

ضحكة وجودك معي ماترسم اعجابك
وأنت السبب يوم تاخذها وتعطيها

مدري تحليت به والا تحلا بك
الطابع اللي عيون الولف يبكيها

© 2024 - موقع الشعر