جـسـر الغـلا - مبروك بن ماضي

وش ذنب هالناس دون إحساس تشغلهم
وِتحط بفؤاد كل من يعشقك حسره

ماتدري إنك بصدك دوم تزعلهم
كم قلب عاشق تسببت أنت في كسره

جيت أشتكي منك ظلمك لاني أولهم
واقدم سجين إل جمالك عائش إبأسره

الله من طرفك النعسان لي سلهم
أتوه مدري يميني وين واليسره

وأنسى همومٍ كثيره كنت شايلهم
وآ حس باليسر بعد الضيق والعُسره

لعيونك السُود شكرا يامكحلهم
أشوف فيها حلات العالم إبأسره

أسألك بالله تسمح لي تأملهم
وآ مد بيني وبينك للغلا جسره

وإن كنت تخشى من الحساد وحْ يلهم
زين أعتبرني معك واحد من الأُسره

يانبض فلبي ويابعد الملا كُل هم
أخسر بك الناس إلاّ أنت ماخس ره

© 2024 - موقع الشعر