على قـد الغـلا مـد القوافـي

على قد الغلا مد القوافي
على قد السهر ذوّب شموعه

قصايد مابها سر ٍ يخاف ِ
ومعناها حبيس ٍ في ضلوعه

اذا عاش الهوى حد الكفاف ِ
يمد الها أياديه وخنوعه

ورقها من جنوني واعترافي
قلمها من شرايينك دموعه

تفيض وتطمر أمتان الفيافي
هواها يذهل شباط و يروعه

خمور ٍ تشرب احساس المدافي
ولا هي ترتوي ولاهي قنوعه

عميق بحرها ماله مرافي
تنسّي الشعر ميزانه ونوعه

وفيها كل عاشق مستضافِ
غرامه ، لهفته ، عطْشه وجوعه

سعير ٍ ما تحاصره المطافي
قلوب ٍ من لظى الحمى جزوعه

يبي لك نزفها قلب ٍ إضافي
وغابة من شرايين ٍ ولوعة

وقاموس ٍ يخطط لاختلاف ِ
وفوضى وانقلاب ٍ في ربوعه

على مد الغلا قِد ّ القوافي
لعله يذعن ويبدي خضوعه