نفـس إنـسـانٍ اتـحـب الـمـال - مايد العويس

نفس إنسانٍ اتحب المال
و نفسٍ كنزها القناعة

هذي الدنيا كلٍ على حال
و يا صاح اختر لك جماعه

و اختر من الرجال رجال
رجال أرواحهم لك نفاعه

و رجالنا ف هالزمن قلال
كلن يقول أنا الكرم و الشجاعة

كم واحدٍ لأعز الأصحاب قال
مشغول و السموحه .. و من ثم باعه

و كم صاحبٍ فرقه عن خله غزال
و غدا سهل عن خله وداعه

و رجال للمال يرخصون العقال
ولا للمال قالوا سمعا و طاعه

و من للمال خضاع اسميه دجال
و من فيه الجود له الروح خضاعه

انا اخضع الروح لناسٍ قلال
من فيه الطيب و ماهو بسهل خداعه

رجل ما همه مليون ولا ريال
نفوس للدنيا ما هي بطماعه

أنا للأهل الكرم و الجود وصال
أنا حبل موده ما هو بسهل انقطاعه

© 2024 - موقع الشعر