عشقتك يا حبيبي

رجعت و عشقتك يا حبيبي من أول و جديد
ودي أقولها في كل ثانيه تمر علي

و ودي أقول إن كل دمي في الوريد
لا سمع صوتك وقف مساره و يقول يا حي

يا حي من شاف ذاك الغر العنيد
ليا تبسم شفت النور و برق لاظي و ضي

حبيبي أسمر طويل النحر صافي الجيد
و يا ناس رمشها لنحرها غادي كما الفي

و يا كثر ما يجيني من الغيد غيد
و يا غناتي لا يغنيني عنج لا نوره و لا مي

و يا حبيبي نظر عيني لو إنك بعيد
صوتك لمسمعي يروي أشواقي ري

بس دخيل الله من غيابك لا تزيد
لأن كثرة غيابك تضيق صدري شوي

في صباحك يا ظنيني اسمع التغريد
اسمع كلام و همسة كل كائن حي

رسالة من قلب مايد للعنيد صافي الجيد
أحبك و لو بقولها كل ثانيه تعتبر لا شي