الذمه برية

والله ان ارويك ياكبدي بعد منتي ضمانه
بعد ماغرك سراب اللال فوق الجرهديه

الجفول اللي على المارد ومطلقتن عنانه
لا ستباحت حرمتك يالوقت وش ذنب البريه

ان بغيت اطوف الغلطه بسميها ميانه
وان بغيت احاسب الزله بسميها خطيه

وان بغيت اخلي المجنون يصحى من جنانه
والله لوريه نجم الليل عاد الشمس حيه

وان بغيت احاسب..الجاهل على غلطة لسانه
والله ان اعلمه معنى الحروف الابجديه

وان بغيت اعلمك....يااااهيه من عنتر زمانه
والله ان اجييب عيدن ماهو بعيد..؟ الضحيه

وان بغيت تشوف فزعات الشلي لسرج حصانه
والله ان اذكرك فعل البطوله الاوليه

وان بغيت ارفعك لا تنهان ماجاتك الاهانه
والله ان ارفعك فوق النجم لااا.. اعلى شويه

وان بغيت اسكنك فالقلب ويضمك حنانه
والله ان..اذكرك قيس وليلى العامريه

وان بغيت تشوف للغالين في قلبي مكانه
والله ان تأخذ على حبي لقلبي الاولويه

كيف اوصف لامدحت الهيل.. ولاا.. الزعفرانه
وانت تدري عن هواي وخرمتي للشاذليه

وان حديتني على الفرقا وجاا كلن وشانه...!!
وحدتك دنياك للفزعه تراء الذمه بريه

اتركي قلبي ترى فرقاك ماهزت كيانه
ويش ابي في خوة اللي ماعرف قيمة خويه

لاتسي الظن.. والنيه.. ولا تنسى.. الامانه
انما الاعمال بالنيات والنيه مطيه..

يشهد الله مانويتك بالجفا ولا الخيانه
لاكن ان الوقت ماميز رديه وا جوديه