الصبر للعاشق خطر ...

ياعاشقه هذي رسالة والصدور مقفلات
من يلتزم درب الحياد//.يسود.//.دربً جرهدي

يضفي ظلام الليل لو تضوي نجومً عاليات
عانقتهن ذعذع براد//.النود.//.واهتزت يدي

وادنيت للطرس القلم وحروف للقيفان جات
ازواج جتني وانفراد.//وفود.//.والحرف ابجدي

عديتهن لكن عددهن صار فيه مغالطات
والزرع يبغى له حصاد//.العود//.. لو كل جهدي

لو تدفن اسرار الهوى وتذري عليها الذاريات
يبقى لهن فكري بلاد//.وطود//.يالورد الندي

يهيم فكر يرتحل ماله مقيل ولا مبات
ماثقّله حمل العتاد//.ايذود.//.عنه المعتدي

العين تبعد بالنظر وآخذ مواقف ثابتات
ياللي تعثر بالقياد//.عقود //..مالك منجدي

يبين نيشان الهدف فالرايحه والغاديات
والماء يسمى بالسواد.//اعدود.//. من زخ بردي

والسيف للصخره وتد والبرق يحرق بالتفات
وآخذ من الذكرى شداد.//عضود //..واصعد للجدي

الوجد طال وناحلٍ حالي عيوني ساهرات
والصبر قرّب للنفاد//.حدود//..صبري تنفدي

بيني وبين الولف تذكارٍ عليه معاهدات
العهد في يوم العياد//.سدود.//.من نسج السدي

وقطع المواصل للولايف من سلومٍ بايدات
عادات،معهن انتقاد//.جدود//..ناري الموقدي

واعيش عصر العولمه واعشق زمان الذكريات
وازور الاطلال اجتهاد//. الجود.//.لو طال سهدي

العهد باقي للوفاء رغم الظروف المبهمات
والشوق عقب البعد زاد//.يزود//..عهدً سرمدي

صحيح يجري في وريدي عشقها شبه المهاة
ماغيّره طول البعاد//.ايعود//..توّه مبتدي

العشق ماله طب والشملين صارت في شتات
ماعاد به امر انقياد.//ابنود//..عهدي ووعدي

والصبر للعاشق خطر والعزم للعاشق ممات
كلً وهو وسط المهاد//.إلحود// موته تُلح