العيد يوم القـاه وغيابـه الصـوم

لـ قهر يزيد، ، في المناسبات والاعياد، آخر تحديث

العيد يوم القـاه وغيابـه الصـوم - قهر يزيد

العيد يوم القاه وغيابه الصوم
وان مالفاني يخلف الله عيدي

العيد من دونه تباريح وهموم
متى اشوفه والمس النور بيدي ؟

محبوس طول العمر في الحب محكوم
حريتي حبسي والافراح قيدي

ياوين اسافر والفضا فيه مزحوم
في كل نجمة سابحة في وريدي

الساكن بقلبي وهو منه محروم
الغايب اللي مايفارق قصيدي

اللي يواصلني هواجيس وحلوم
واصحى اتلفت له الينه بعيد ِ

انزع ستاير لهفتي واعصر غيوم
وامطر واليني وسط بحره شهيد ِ

القاه في الشمعات والسهد مرسوم
والقاه وسط العيد هو كل عيدي

© 2024 - موقع الشعر