هي تجارب - فيحان الصابري

كل ما جيتك أبي فزعتك خوّنت في
مدري ليه الناس للناس والوافي سند

من كلامك قلت هالآدمي من قلب لي
ما يهّدك كان في الناس نكبات وحسد

كنت أحسب الباقي أموات لكن أنت حي
وان نكرت الظن وإبليس قلت انه زهد

قلت أبصبر يمكن الليل يطلع فيه ضي
ما عطيت إنسان فرصه ولاغيره احد

هذا شيء يخصني ليت في هالقلب شي
مثل ذيب لانتهت حاجته عنك ابتعد

ياعدو الخير ياليت في الكفين مي
كم توهم ضامي وكم على بابك قعد

هي تجارب والبشر في هالزمن ما هيب زي
كم أصيل رد معروف ما عنه جحد

© 2024 - موقع الشعر