يوم الأحد والبارحة وأمس واليوم - فهد راشد بورسلي

يوم الأحد والبارحة وأمس واليوم
اشوف واسمع والحكي بالإشاره
مخلدن كنى على الوجه ملطوم
عندى تواسى ليلها مع نهاره
لاحي لا ميت ولا طابلي نوم
ما حس تنزل أو تزيد الحراره
شر بى وما بين الغذا غم وهموم
والنوم زافرتن تفت المراره
صابر بحكم الله على كل مقسوم
مالى سوى منجي السفن فى بحاره
حظي كما طيراً تلب وابعد الحوم
زل العمر واقفى وأنا بانتظاره
راوي من الدنيا تفاسير وحلوم
بالشر تنذر ما وراها بشاره
لو سرتك يومن غرابيلها دوم
كم فزر قومن شالته من دياره
واليوم لا تستنكر الشوم واللوم
ناسن تهلل والديانه عياره
أقرب قريب أن مت ما قال مرحوم
يقول زلت عن طريقي حجاره
تقاطعت ولا حرفى رحمة البوم
ويعايرك من شافت الناس عاره
الله واكبر يا زمانن مضى حلوم
كله وفا والجار يحلف بجاره
متكاتفين بكل داعي ومرسوم
أعمالهم راحت علينا خساره
يا ما انقذوا بأموالهم كل مظلوم
بذراعهم يا ما اقهروا كل غاره
صارت فعايلهم حكايات وعلوم
نمشي بسيرتهم ولا من نماره
غض النظر يا ساهرن بات مهموم
ومن شالها لاعمر الله داره
عليك من نفسك ولا انته بلمزوم
ولياك تمن لو تشوف البشاره
الوقت مظلم والهوى فيه مسموم
والكذب فرضن والنميمه اتجاره
يا الله يا فارض لنا الخمس والصوم
انك تريد ابنا العدل والخياره
ولا العمر لو طال لابد معدوم
يا ويل من ياتى كتابه يساره
وصلاة ربى ما سرى البرق بغيوم
على نبيا شرف الله وقاره
© 2024 - موقع الشعر