يانسيم الصبح بلغها التحية - فهد السلمي

يانسيم الصبح بلغها التحية
وقلها يسعد صباح الأخت موضي

هي سبتني وبتلت قلبي بليه
ونجض قلبي بسبتها نجوضي

إن بغيت أشوفها صعبٍ عليه
عاصيه عيت توافقني عروضي

قلت أشوفك لحظه ونجلس سويه
لو على الماشي وانا أوعد مانروضي

قالت أرجوا المعذره هذي خطيه
وغير هذا بنت رجالٍ حفوضي

وأنت مايرضيك تلحقني أذيه
أو أخل بفرض من مبدا فروضي

أو يقولون العرب أني رديه
وسمعتي لو تنجرح محدٍ يعوضي

إيه احبك وأعترف بالأبجديه
وأنت بستاني وريحاني وروضي

وأنت وحدك من ملك هالروح فيه
وحبك انت الي لدربي دوم يوضي

وأعترف انك ملكت الكل فيه
كل شيٍ في يامجنون موضي

© 2024 - موقع الشعر