هيه - فلاح الحميداني المطيري

هيه ياللّي دخلت المدرسه من هوايه
مقصدك دينٍ والاّ رغبةٍ عاطفيّه

صدفتك بالطريق اشتلت منها الكفايه
ضربةٍ جضّ منها القلب في داخلّيه

ليت قلبك لقلبي هارجٍ له برايه
هو هواه بهواي أو له هوى في نحيّه

البشر مستريحه بسّ انا واعنايه
وانت كانن قلبك دالهن واهنيّه

الله انّه يلومك كان هذا جزايه
يوم تسهر عيونٍ من عذابك بريّه

عن سهوم النّواظر ماتفيد الوقايه
ما يفيد الطبّيب ولا دوا الصّيدليّه

شخص ياعونة الله لو يقط العبايه
كان يقضي على سكّانة الثّامريه

لعن أبوهم يودّونه بليّا حمايه
عرّضوه الخطر لاوفّق الله وليّه

© 2024 - موقع الشعر