أفضيـت مـن وجـدٍ

لـ فتاة العرب، ، في غير مُحدد، آخر تحديث

أفضيـت مـن وجـدٍ - فتاة العرب

أفضيت من وجدٍ يكنّه ضميري
ما فاض وامّا ضمّنه قلبي أخفاه

مابا سوى كسب الرّضا من عشيري
ظرف الشمايل لي حميده سجاياه

لي صاحبٍ عندي وداده كبيري
طول الحياه أستعذب الصّبر من ماه

وين الشّبه مثله عديم النّظيري
فرد كم للنّاس من غيره أشباه

طيّرت يا زبن المخاويف طيري
واليوم من هولي على طيري اعزاه

من عقب ما عندي سبوقه قصيري
اليوم عنّا كمّ نيفٍ تعلاّه

عيني تخصّه بالفواد البصيري
حسّاس لو تبعد عن العين روياه

عساه في حصن الذّي لي مجيري
في ضفّ من يحمي شؤونه ويرعاه

ما كلّ غوّاصٍ بقوعٍ غزيري
تملي حواصل نادر اليكّ يمناه

القول من تكثر هروحه هذيري
ما قلّ دلّ وتفهم النّاس معناه

ننظم عقوده في سلوك الحريري
من الذّهب خوفٍ من الخيط يشعه

تلقى التّجاوز في الشّعر عند غيري
ماشي وانا خطّي على السّيد مجراه

© 2024 - موقع الشعر