ابـيـات مــن غـــزرٍ

ابيات من غزرٍ نفايس
ينّي وانا بالشّوق معتدّ

الذّ: م الرّيف النّسايس
لي ياب ريح المسك لاسود

عنّي جلن الضّيق هايس
وفرحت فرحه مالها حد

ما هو بخالي م اللّسايس
أسال حلم الطّيف وانشد

الرّوح تنعشها حسايس
بالوصل تستشعر أو بالصّد

والقلب له في اللّب رايس
يفحص أو يبخص لي له إيود

اتلوم لقلوب الطّمايس
لي مالهم ف الحبّ مقصد

لي ما يعرفون الخلايس
ولا شاركوا في ليعة الودّ

يا صاحبي تكفى العمايس
بالخلّ يعلك دوم تسعد

لي لك على المعلوق دايس
وانته مسكته مسك باليد

بو يادلٍ غطّاه مايس
على الردّوف أو كاسي القدّ

ماخذ من الظّبي النّعايس
والعنق واللّفته غلى صدّ

غصنٍ تزخرف في غرايس
يغزري ابلين البان واميد

لنّ الهوى طبعه غلايس
إسعاد يوم أو يوم يضهد

والصّبر يحمد في التّقايس
اليوم والاّعقب في الغدّ

لابدّ ما ياتيك جايس
لآمال و المزروع يحصد