يا شفاتي

يا شفاتي لي لك اشتافي
منك يكفي النّفس ما ياها

شوحكم والصّد بالجافي
صدّ لي عن عيني اغفاها

واعتراني ضيج واحسافي
حال نفسٍ تشمت اعداها

يا فريد الحسن يالوافي
يا صبيّ اعيوني أوماها

من أشاكي من به اسعافي
قلّ من ذا النّاس رجواها

غير وانتوا حقّ وانصافي
والفروع اشروع دعواها

يا محبّي منكم اتلافي
إنت جرح الرّوح ودواها

انت خزني وانته إلحافي
وانت لي م العين يمناها

يعل نجم الصّد بخلافي
وفيك نفسي تلحق امناها

آه من شاف ماعافي
من اهمومه لي توزّاها

ذا الشّهر لي مرّ خطّافي
لارعت لايّام فرقاها

يعلها في جمع لاولافي
مجبلات السّعد نلقاها