المصافحة الاولى لبني خالد

الله على اللي يعجبك كومبليته
تصميمه .. وفخامته .. وأتكيته

صدامه .. وشبكه .. وسكنه .. وليته
وجنبه .. وبيبانه .. وقصّة أبليته

وسكّانه .. ووطبلونه .. وجلد سيته
من راس ماطوره الى قازقيته

يعجبك لادرته .. والى من قفيته
تنفث على ديزاينه .؟ لا أعتليته

لادقّ سلفّه .. وأعتدلت .. وشعيته
يهوي وكنّ أهوايتّه .. لاعطيته

لولاا فريد الصنع .. ماذاع صيته
يزين للفكسار قافي وبيته

من كدّ يمناي السخيّه .. شريته
ابغيه لأدرج هاجسٍ مابغيته

لغاب قرص الشمس .. وأعلن مبيته
وغنيت بيت لمبدعٍ .؟ مابنيته

عايرت .. زيته .. والأديتر سقيته
وفوّلت بنزينه .. وبدلّت زيته

وشايم من زفلته .. ومن كونكريته
شفّه .. وشفيّ .. خايعٍ ماشنيته

خمسين ليلٍ .. والسحب محتويته
وسمٍ بكور .. ورحمة الله دعْيته

ترعابه الليّ .. قدرها ماهفيته
لفرعّت .. ماهي على السير ميته

مع جل ذودٍ دقّها معتنيته
أحبّها من حبّ من شاد بيته

طلق الحجاج .. ومدهلٍ لعنيته
الى عطى .. ماقال هذا عطيته

ابو محمد.. ويعجبك لنصيته
هطل اليمين .. وطيب ذكره قنيته

حبّه لوّ انيّ بحصره .. ماحصيته
الليّ لوجهك .. مرحباه وفديته

مافيهم الليّ ينفعك . لدعيته
ماني بغاوي .؟ والغوى ماهويته

من لا يحوز النعم .. ويشيد بيته