قلت الشعر

تقول لي ألغ القصيدة
كل القصيدة اللي كتبت
واللي أنت ناوي تكتبه
وأحلف لي أنه من فراغ
وأنك تخليت وكذبت
بكل حرف تكتبه
واختار...أنا ولا القصيدة؟
حبيبتي...
انتي الحياة اللي لقيت
بدربها عمر الفرح
وأنتي الأمان اللي غشى
قلب تعنى وانجرح
حبيبتي...
كل القصيد اللي كتبت
واللي بحياتي بكتبه
كل الخواطر والشعر
صغته بصدق وما كذبت
درب وخفوقي مر به
يهدي ويثور ويستعر
حبيبتي...
لو لا القصيد اللي كتبت
ما صار لي عمر جديد
لامن تعنيت وتعبت
أحييت عمري بالقصيد
وأنتي الشعر
كل الشعر
اللي أنتظم
واللي انتثر
تبقين في قلبي ولا
في قلبي لغيرك أثر
بس اعرفي
مهما مسحت اللي كتبت
مهما أنمسح مهما احترق
الشعر في عيوني تراه
أكبر من حروف وورق
قالت أنا ولا الشعر؟
قلت أفهمي
قالت أنا ولا الشعر؟
قلت تسمعي
قالت أنا ولا الشعر؟
قلت الشعر"