صدى الذكرى

تصنعت الفرح عقبك
وخانت عيني العبره
إذا أتصور لها الماضي
وإذا مرت على الذكرى
وإذا ما عانقت طيفك
وسامرها
وسهرها
وذكرها
بكت حسره
أحاول أدعي إني نسيت أمسي
وودعت الفرح وياك
واثاريني
اسلي بالوهم نفسي
ولا اقدر أبد انساك
احبك
كنت أن أحبك
ولي هاليوم أنا أحبك
احب السحر بعيونك
واحب الطيبة بقلبك
وصدقيني أنا أسرعت
لكن القدر أسرع
جبرني أحصد اللوعة
جبرني أحصد الدمعة
أنا اللي للفرح ازرع
يناديني صدى صوتك
تخالط نبرته بحة حزن
واسرح مع اللي كان
وتمضي سنين وانساها
وتبقى عشرتك ذكرى ولا تمضي
ويعجز عندها النسيان
وعاشرت بغيابك ناس
وهانت عندي عشرتهم
وحبك في الحشا ما هان
يذكرني طلوع الشمس في حبك
ويذكرني مغيب الشمس في حبك
لأن عمري بغيابك ليل
وانتي في ظلامه شمس
وكلما قلت بتغاضى عن اللي راح
وبلقى في باكر الأفراح
الاقي باكر هو الأمس
وكل ايامي هي الأمس
وعمري بكلمة مختصرة
أماني اغتالها الحرمان
رجاوي مالها عنوان
خدعها الوقت في غدره